Vårt fagskuletilbod innan sterilforsyning gir deg ettertrakta kompetanse i reingjering, desinfeksjon og sterilisering av medisinsk utstyr. Gjennom teoretisk og praktisk opplæring blir du rusta til å meistre avanserte oppgåver innan både sjukehus og andre helsetenester.
Studiestad: Nordnes
Utdanningsform: nettbasert med samlingar, deltid
Studiepoeng: 60
Varigheit: 2 år
Studieplan: Sterilforsyninig og smittevern i helsetenesta
Neste studiestart: Haust 2025
Søknadsfrist: 15. april 2025
Tilbod om samlingar på din næraste studiestad
Studiet er digitalt med fysiske samlingar på Nordnes. Det er tilbod om å følge samlingane digitalt frå din næraste studiestad, med vilkår om nok søkarar som vil samlast på denne studiestaden. Vi har studiestadar i Bergen, Førde, Måløy, Stord, Austevoll, Voss og Hjeltnes.
OBS: I Samordna opptak står det at studiestaden er Nordnes.
Kompetanse og jobbmoglegheiter
Ein sterilforsyningsteknikar har spesialisert seg på hygiene, sterilisering og handtering av medisinsk utstyr. Rollen inneber ei grundig forståing av smittevern, praktisk kunnskap om steriliseringsteknikkar og kvalitetssikring i tråd med gjeldande standardar. Teknikaren bidreg også med organisering av forsyningskjeda og samarbeider tett med helsepersonell for å sikre at riktig utstyr er tilgjengeleg til rett tid.
Ein sterilforsyningsteknikar har mange moglegheiter til å jobbe på ulike arbeidsplassar, primært innan helsevesenet og tilknytte bransjar. Typiske arbeidsstader inkluderer sterilsentralar, operasjonsavdelingar, anestesiavdelingar, intensivavdelingar, akuttmottak, poliklinikkar, tannklinikkar, isolasjonsavdelingar, mikrobiologiske avdelingar og reinhaldsavdelingar, blant fleire andre.
Oppbygging og arbeidsmåtar
Studiet gir 60 studiepoeng og er nettbasert med samlingar over to år.
Studiet består av seks emne der eitt emne er praksis:
- Mikrobiologi, smittevern og spesialreingjering
- Reingjering, desinfeksjon og sterilisering av utstyr og instrument
- Sterilforsyning – lager og logistikk
- Etikk, kommunikasjon og relasjonskompetanse
- Praksis
- Fordjuping i sterilforsyning og smittevern
Studentar kan ha praksis på eigen arbeidsplass dersom arbeidsplassen er relevant. Dette blir vurdert av fagskulen. Studentar som ikkje har ein relevant praksisplass, vil få tildelt praksisplass av fagskulen.
Nettundervisninga er i hovudsak lagt opp slik at studenten kan arbeide med lærestoffet slik det passar den enkelte. Studiet let seg kombinere med å vere i arbeid.
Politiattest og skikkavurdering
Alle helsefaglege utdanningar ved Fagskulen Vestland krev politiattest, jf. Lov om høgare yrkesfagleg utdanning (fagskulelova) §27. Politiattesten skal visast fram ved studiestart. Vi ber om at de ikkje sender inn politiattestar på e-post, då dette kjem i konflikt med gjeldande lov om personvern.
Skulen gjennomfører skikka vurderingar jf. Lov om høgare yrkesfagleg utdanning (fagskulelova) §26.
Du kvalifiserer til utdanninga når du har fullført og bestått vidaregåande opplæring med relevant fagbrev eller yrkesvitnemål.
Relevante fagbrev / yrkeskompetanse er:
- Ambulansefag
- Barne- og ungdomsarbeidarfag
- Helsearbeidarfaget
- Apotekteknikk
- Fotterapi
- Helsearbeidarfaget
- Helsesekretær
- Hudpleie
- Ortopediteknikkfaget
- Portørfaget
- Reinhaldsoperatørfaget
- Tannhelsesekretær
Vitnemål som hjelpepleiar eller omsorgsarbeidar kvalifiserer til opptaket.
NB! Søkjarar som kan dokumentere at dei skal gjennomføre fagprøve etter søknadsfristen, kan bli tildelt plass på vilkår om bestått prøve innan 1. semester.
Realkompetanse
Manglar du fagbrev, men har fylt 23 år og har relevant erfaring, kan du søke om opptak med realkompetanse.
Realkompetanse er all den kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.
Helsefagleg utdanning med autorisasjon (sjukepleiar/vernepleiar) er utdanningar som vil fylle kravet om realkompetanse.
Det er viktig at du sender med dokumentasjon på relevant praksis og erfaring.
Last ned skjema for eigenvurdering her
Les meir om opptak, realkompetanse eller utanlandsk utdanning her.
Politiattest og skikkavurdering
Alle helsefaglege utdanningar ved Fagskulen Vestland krev politiattest, jf. Lov om høgare yrkesfagleg utdanning (fagskulelova) §27. Politiattesten skal visast fram ved studiestart. Vi ber om at de ikkje sender inn politiattestar på e-post, då dette kjem i konflikt med gjeldande lov om personvern.
Skulen gjennomfører skikka vurderingar jf. Lov om høgare yrkesfagleg utdanning (fagskulelova) §26.
